【麵粉種類點樣分?】
有冇人同小編一樣成日分唔到邊個係高筋麵粉 邊個係低筋麵粉?
今日等小編話你知到底佢地分別係邊啦!
【高/低筋麵粉特性】
係教大家點樣分辨之前,先講下高筋麵粉同低筋麵粉嘅特性:
高筋麵粉同低筋麵粉嘅分法係唔同國家有唔一樣嘅標準。
台灣:依蛋白質含量分類,高筋麵粉>中筋麵粉>低筋麵粉
日本:依蛋白質含量分類,強力粉>中力粉>薄力粉
高筋麵粉/強力粉因為筋度較大,比較適合做麵包,而低筋麵粉/薄力粉因為筋度較小,比較適合做蛋糕。
高筋麵粉:
原料為硬質小麥,蛋白質含量係12-14%,通常只係高於11.5%就可以被稱為高筋麵粉,亦因為蛋白質比例高,澱粉比例較少,吸水性較好,適合做有嚼勁富有彈性嘅麵包/Pizza皮等等。
低筋麵粉:
原料為軟質小麥,蛋白質含量為6.5%以下,因為蛋白質比例較低,澱粉比例較高,吸水性較差,適合做蛋糕。
【點樣分辨高/低筋麵粉?】
因為兩者嘅原料唔同導致麵粉嘅顆粒有明顯差異。
方法1:
就係「摸!」,高筋麵粉摸起來會有粗糙嘅顆粒,而低筋麵粉摸起來相對滑順。如果摸唔出分別 可以試下方法2。
方法2:
將粉同水以約3:2嘅比例放係一齊搓揉,如果可以快速成團且具有筋性嘅就係高筋麵粉!反之就係低筋麵粉。