【自行減糖有咩影響？】
隨住健康飲食風潮興起，好多人開始會提倡用低糖嚟烘焙。但係！若随意將食譜中嘅糖量減少 係會對最後嘅成品造成影響! 今天等小編話你知 糖 係烘培中有咩功用 同若真係要減糖應該要點調整先唔會影響最後成品。
馬卡龍好甜 我可唔可以減糖？ 關於可唔可以將食譜中嘅糖減量 大概係烘焙中最常見嘅疑問 然而減糖呢件事可能冇你想得咁簡單。 「糖」 唔單只淨係增加甜味，亦係烘焙過程中扮演住好重要嘅角色
// 糖係烘焙中5大功用 //
1. 具有吸水性，能使糕體保持濕潤
糖可以鎖住水份，令烘培出來嘅蛋糕保持濕潤感，同時也會降低麵糰嘅韌性，口感上更加鬆軟
2. 可以幫著食物上色，睇落更好味
烘焙品上色主要係通過焦化反應同梅納反應，呢兩種反應可以令烘焙品顏色變深，並增加香甜風味
3. 天然防腐劑，延長烘培產品嘅保存期限
糖嘅吸水性可以延長烘培成品嘅保存期限。冷卻後，水分會同糖結合而唔係揮發係空氣中。
用最常見嘅果醬做例子，如果加60%以上嘅糖量，可以放置長達一個月；如果減40%以上嘅糖量，只可以放置一週左右
4. 增加打發蛋白霜成功率及穩定度
唔加糖一樣可以打發成功，但糖可以令打出來嘅蛋白霜更加穩定，唔容易係製作過程中消泡
5. 糖係酵母嘅食物來源，亦可以促進發酵
整麵包時加入適量嘅糖可以調節酵母嘅發酵速度，但當糖量超過8%時反而會抑制發酵，需特別注意
【點樣減糖又唔影響成品？】
減糖嘅量唔好低於原本嘅70%
試先減1/4嘅糖量，再慢慢去試出自己嘅完美比例
加啲酸或者酒
將唔同風味加下去平衡既可以提味又可以增添香味
係內餡上作調整
因減糖後對糕體嘅影響較大 建議係內餡甜度上做調整
將部分糖量替換成海藻糖
海藻糖嘅甜度只有蔗糖嘅45% 可將原本糖量20%替換成海藻糖，降低整體甜度
