【蛋黃 蛋白用剩點樣算？】
烘焙時，好多甜品成日淨係用蛋黃/蛋白，咁用剩嘅蛋黃/白可以做啲咩？
唔想做大嘥鬼就睇落去 等小編話比大家知點做啦 ～
【蛋黃食譜】
～荷蘭醬～
如果你鍾意食班尼迪克蛋，就會知道淋係蛋上嘅經典荷蘭醬係班尼迪克蛋嘅靈魂所在。
檸檬——-10ml
無鹽牛油(融化）——-100ml
蛋黃——-2顆
水——-30ml
鹽——-適量
做法：
1.鍋裡放水煲滾後轉細火。係鍋上放置一個大碗（注意碗千其唔好掂到水）
2. 放入蛋黃同水 用打蛋器快速攪拌，蛋黃會增加小泡泡同顏色亦會變淡
3.邊攪拌邊慢慢加入融化牛油
4. 加入檸檬汁同適量鹽，如果一直打唔出想要嘅濃度，可以適度將火轉大少少。打到想要嘅濃稠度後即刻離火就完成了!
～沙律醬～
萬用醬，簡單幾樣食材就可以輕鬆整到
蛋黃——-一個
白醋——-5~10g
鹽——-1~2g
蜂蜜/糖——-15g
植物油——-100g
做法：
1.將除左油之外嘅材料全放入碗裡
2.先加兩匙油入去，打至乳化，剩下嘅油分三次加入打
3.打至稠狀就可以倒入保存容器
【蛋白食譜】
～炒蛋白～
蛋白嘅炒法同全蛋差唔多，可以單獨下鍋炒成蛋白炒蛋/同其他食材一齊下鍋炒，此外，可以將蛋白煎成蛋皮，再將蛋皮切成蛋白絲後，單獨調味食用/同其他食材混合拌炒再食用。
～蛋白餅～
蛋白——-100g（大約3個）
砂糖——-110g
做法：
1. 焗爐預熱100度 用電動攪拌器以中速將蛋白打至產生大泡沫
2. 邊打邊將糖分成3-4次慢慢加入，以高速將蛋白打發至蛋白霜尾端挺直唔會下垂，並將容器倒扣蛋白霜亦唔會掉下即可
3. 焗盤鋪上烘焙紙，用湯匙或擠花袋塑出自己喜歡形狀
4. 放進烤箱烘烤約100分鐘即可
【冷凍保存法】
蛋同牛奶一樣，放冰箱外面兩個鐘就開始變質，敲破殼打出來以後， 放冷藏都要一兩天內用掉
如果暫時唔想再做其他野，剩下嘅蛋黃/蛋白 除左一兩日內用掉同丟掉外仲可以冷凍!
～冷凍蛋黃～
蛋黃冷凍，可以保持風味同養分一年! 蛋黃如果直接冷凍，蛋白質質地會產 生變化，解凍後變得濃稠唔好操作，先加入糖/鹽阻礙蛋白質結晶，就唔會有變稠嘅問題。
1. 每個蛋黃加入一撮鹽或1/3茶匙糖
2. 攪散成液態，倒入夾鏈袋
3. 放入冷凍室保存 下次要使用時解凍至室溫，即可使用。
～冷凍蛋白～
蛋白冷凍後，可保持風味與養分一年。蛋白就無蛋黃會冷凍質地改變嘅問題，直接裝袋冷凍就可以
下次要使用時解凍至室溫，即可使用。
