多數烘焙新手製作嘅第一樣甜點就係曲奇，除左原料易買同製作時間較短等優點之外，製作曲奇仲可以同家人朋友一齊完成且成品容易同親友分享。不過曲奇雖然失敗率較低，但烘焙新手經常會遇到曲奇硬度過高、焗燶又或者形狀唔靚嘅困擾，所以今日就針對呢三點做介紹並提供相對應嘅解決方法，咁就唔怕失敗啦！
拒絕焗燶嘅秘訣！
1. 用曲奇厚薄度決定焗嘅溫度同時間
簡單黎講，麵團越厚越難焗熟，所以厚曲奇建議降低烘烤溫度同拉長烘烤時間；反之，若麵團壓得較薄，建議提高烤溫溫度同時縮短烘烤時間。
2. 巧克力口味餅乾的烤法
係焗原味曲奇嘅時候可以透過觀察上色程度黎調整焗爐溫度同決定出爐時間，但因為朱古力餅乾顏色本來就比較深色，無辦法直接用肉眼判斷熟度；所以會建議係製作麵糰嘅時候留一細塊無添可可粉嘅麵團，咁樣係烘烤嘅時候就可以當作一個對照組。
3. 掌握烤箱正確使用方式
焗爐預熱可以幫助曲奇更快定型。另外係曲奇上色後可以稍微觸壓曲奇中心，如果偏軟，可以熄左焗爐上下火，用焗爐入面嘅餘溫黎焗曲奇直至熟透同酥脆，咁樣就可以避免因烘烤過度導致焗燶曲奇燶嘅悲劇。
點樣整 曲奇嘅形狀會更靚？
1. 用壓嘅
市面上 有好多唔同種類嘅壓模，壓模曲奇可愛又好味，只要將麵團用擀麵棍桿均勻後，再揀用心儀嘅模具輕輕一壓就可以。
2. 用雪嘅
一般製作西餅會將麵團冷藏或冷凍到較堅固嘅狀態，攞出黎再直接切片放入焗爐就OK。但過程中經常會遇到整型唔滿意嘅情況，呢個時候就會推薦用餅乾整形器，相較於手動整型，用餅乾整型器嘅麵團大小比較一致，令曲奇成品靚啲，又可以慳返時間。
3. 用擠嘅
一般烘焙人都會將擠花嘴同cream聯想係一齊，但其實好多市面上嘅曲奇形狀都係用擠花嘴製作出來嘅。另外好似蛋白餅，馬林糖或者係馬卡龍等等都需要用到擠花嘴。花嘴嘅形狀唔同擠出來嘅麵糊就會唔一樣。
曲奇好硬點算？
1. 用砂糖定係糖粉 ？
一般黎講，用砂糖製作嘅曲奇會比較硬脆，而用糖粉製作嘅會較酥鬆；因此通常會依據想要嘅曲奇口感調整使用嘅原料，好似係製作曲奇餅乾時，我地會追求酥鬆嘅極致口感，所以一般會用糖粉；但如果想係曲奇表面留下紋路並可以令成品較硬脆嘅話會推薦用砂糖。總結黎講，如果覺得曲奇太硬，不妨調整一下糖嘅種類同比例試試。
2. 油同糖嘅比例
以過往經驗黎講，如果油使用得較多，餅乾會較酥鬆；如果油嘅比例比糖少，整體口感會較硬脆，所以可以多試幾種比例，搵到自己最喜歡嘅配方。
